A nosa historia
EDUCAR EDUCAREI nace dunha xenuina paixón pola educación combinada co desexo de mellorar esas contornas rurais que están a esmorecer.
Ofrecemos un espazo de aprendizaxe aberto nos arrabaldes de Ourense que nutre a necesidade que temos as persoas de manter contacto coa natureza e coa contorna social que temos ao noso arredor.
Persoal especializado
As persoas que conformamos o proxecto estamos especializadas en educación da primeira infancia e de persoas adultas, así como en igualdade de xénero.
Asemade, atopámonos permanentemente en formación sobre metodoloxías educativas que combinan o coidado da infancia, a natureza, a posta en valor da comunidade e o xogo como elemento potenciador da aprendizaxe en todas as idades.
En Educar Educarei temos o convencemento de que a creación de redes e o formar parte dunha comunidade activa de profesionais potencia e mellora día a día o noso labor coa infancia e coas persoas con quen intervimos.
Educar Educarei é un proxecto que sería imcomprensible sen o xeito que teñen de entender a educación as persoas que o conforman.
Alba Eirey Pumar
Creadora de Educar Educarei e parte do equipo educativo.
Mestra de Educación Infantil e Primaria experta en igualdade de xénero e análise social. Formada en metodoloxías innovadoras, a aprendizaxe na contorna ou o xogo como elemento esencial do E-A.
Experiencia profesional en contornas educativas diversas, incluído o traballo con nenas e nenos en risco de exclusión, o que proporciona unha ampla bagaxe de ferramentas para atender á diversidade e un coñecemento amplo en Deseño Universal para a Aprendizaxe.
Jorge Piñeiro Naval
Equipo educativo.
Pedagogo e traballador social especializado en igualdade de xénero coa perspectiva da análise social e orientación educativa.
Experiencia profesional no seo de entidades como unha escola libre de ensinanza, un centro de menores ou unha Fundación desenvolvendo programas orientados á educación integral e ao acompañamento familiar. Especial dedicación á dinamización comunitaria dende a organización de obradoiros socioeducativos.
Únete a nós
Se sentes curiosidade polo que facemos, se pensas que a túa familia podería desfrutar dos nosos servizos ou se simplemente queres coñecernos a nosa porta está aberta.
Chámanos e contámoscho todo.